Part 2

PART – 2

Neelima apne kam pr jate jate raste mai khud se hi bate krti hai ki na jane maa ese hmesa kyun karti hai bo kyun mujhe ese dant deti hai mai jab bhi bhai se kuch kehti hu bo hmesa ese hi karti hai aur yhi sab sochte huye bo khet mai apne pitaji ki madad krbane phuch gyi. Neelima ke pitaji hmesa usse kaha karte the ki khet ke kam krbane ki use jrurt nahi hai bo preshan na hua kare lkin Neelima Janti thi ki uske pitaji ke pas itne rupaye nahi hai k bo khet mai kam krbane ke liye labour rakh ske isliye bo khud hi sara kam krne ki kosis krte the.

Par Neelima unki ye bat sunkar kehti ki pitaji mai ghar par rh kar kya krungi aur agar mai yha apke kam krba sakti hu to mujhe ap krne dijiye , mere hath itne bhi komal nahi hai. Aur uske pitaji ye bat sun kr has jate ki bo kitni bate bnati hai lkin bo jante the ki bo sirf unki madad krna chati hai.

Dusri taraf uske ghar mai ab uska bhai sokar uth gya hai to Neelima ki maa use chai or toast lakr deti hai. usko khane ke bad bo kehta hai ki maa mai ab nha kr apne dosto ke sath ghumne jaunga to ye sun kar uski maa kehti hai ki beta tere pitaji khet mai akele kam kr rhe hai jara unki bhi madad krba de jakr to ye sunke uska bhai kehta hai ki unki madad krne ke liye Neelima didi hai to shi mai kyun jau use bo kam karna pasand hai to usi ko karne dom, mai to ek din apna bda sa business kholunga or pese bala banunga.

Asal bat ye thi ki Neelima ki maa uske chote bhai ko bahut pyar krti thi aur iski bajah jante hai ap ? iski bajah sirf ye nahi thi ki bo ghar mai chota tha balki ye thi ki bo unka Saga beta tha. Ji ha Neelima unki saulteli beti thi jo uske pitaji ke pehli patni ki beti thi lekin uski maa ka kisi bimari ki bajah se asamay dehant ho gaya tha aur tb Neelima bahut choti thi isliye uski parvarish karne ke liye uske pitaji ne dusri shadi krli.

Lekin jo soch kr unhone shadi ki thi hua bilkul ulta Neelima ki sauteli maa use bilkul bhi psnd nahi krti thi kyuki bo ek ladki thi aur uski khud ki santan bhi to nahi thi Neelima. Sayad isi bat ki saja bo Neelima ko samay samay par tane dekr deti thi.

Neelima ne kbi bhi apni sauteli maa ko palat kr jawab nahi dia kyuki bo sochti thi ki bo kesi bhi hai ab meri maa hai aur maa ko jawab dena sahi nahi hai. aur Neelima ki yahi soch use sabse alag banati thi.

Aj jab Neelima apne kheto mai apne pitaji ke sath kam karba rahi thi tab usne dekha ki gao ki sadak par koi pedal chalta hua arha hai.

Usne apne pitaji se kaha ki pitaji dekho koi arha hai aur uske pitaji ne jab sadak ki taraf dekha to unhe bhi kisi ko aate huye dekha par kyuki bo bahut dur tha isliye ye samajh nahi arha tha ki bo kon hai?

Thori der bad jab bo dhire dhire karke pas ata gaya tab Neelima ne use dekha aur bo chehak uthi. Apna sara kam chor kar uss insan ki taraf daud padi aur jese hi daud kar bo uss insan ke pas phuchi to uss insan ne use pyar se gale laga lia.

kaun hai bo insan jise dekh kar Neelima ke chehre ki khushi na ruki aur jiske aane se use itna acha laga ye janne ke liye Part 3 jarur padhiyega tab tak haste rahiye aur khush rahiye. ❤️❤️