Part 1

Ugta huye suraj ko dekha hai kabhi apne, ho skta hai bahut se log ese honge jinhone ugte huye suraj ko nahi dekha hoga kyuki sayad unhe der se uthne ki adat hogi to agar apke der se uthne ka karan apka der tak hone bala koi kam hai tb to apke der se uthne mai koi burayi nhi hai lekin agar aap sirf apni kisi faltu ki adat ki bajah se rat mai jagte hai aur shubh der se uthte hai to aapki jankari ke liye bata du aap bahut kuch miss kar rahe. aur iss bat ka ehsas aapko uss din hoga jis din aap khud shubh uth kar dekhenge .

Ugte suraj ki kiran jesi tej rakhne bali aur shubh ki tajagi ki tarah chahkne bali hi ek ladki thi jiska nam tha Neelima. Neelima ke chehre par dikhne bali shanti aur uski sadgi use aur bhi sundar bana deti hai aur uski chahkati huyi bate sun kar to koi bhi uska deewana ho sakta hai, use dekh kar esa lagta hai jesa jab muskurahat bhi muskurana bhul jati hogi to bo neelima ke pas aati hogi usse muskurahat lene.

Neelima ko hmesa se shubh jaldi uthne ki adat thi kyuki usne bachpan se apni maa se suna tha ki shubh jaldi uthna chaiye aur yhi sahi hai. halanki dekha jaye to neelima ko khud bhi jaldi uthna acha lagne lga tha aur bo isliye kyuki bo bachpan se jaldi uthti thi aur isi bajah se use shubh hone bali har bat ab achi lagne lagi thi.

Neelima ke ghar ka mahol esa tha ki unke ghar mai sare kam sham ke 6-7 baje tak khatam ho jate the ab aapko ye sochne ki jarurat nahi hai ki aaj ke samay mai kya kisi ka kam itni jaldi khatam ho sakta hai to aapki jankari ke liye bata du ki neelima ka ghar kisi shor ke bich kisi bade seher mai nahi tha balki ek chote se gao mai tha aur seher balo ko sayad nahi pata hoga ki gao ke jyadatar kam rat hone se pehle hi khatam kar liye jate hai aur rat ka khana jaldi kha kr baha log jaldi free ho jate hai aur jaldi so jate hai.

Aur yahi karan hai ki baha ke logo ko jaldi uthne mai koi dikat bhi nahi hoti hai . jis tarike se baha ke kam rat hone se pehle khatam ho jate hai usi tarah se shubh hone se pehle baha ke kam shuru bhi ho jate hai. neelima aur uske ghar ke sabhi log shubh 5 baje hi uth jate the aur uske parivar mai uski maa pitaji aur uska chota bhai tha. Neelima shubh jaldi uth kar apni maa ke sath unke kam karbati thi aur uske pitaji khet ke kam par chale jate the.

Neelima ka bhai bahut hi sararti hai kyuki bo hai bhi to ghar ka sabse chota aur use sab bahut pyar karte hai. Har din ki tarah Neelima aaj bhi jaldi uth gyi aur fir jab usne sabse pehle uth kar apne bhai ko uthane ki kosis ki to uski maa ne usse chilla kar kaha ki bo apna kam kare use bhai ko uthane ki koi jarurat nahi hai. Neelima apni maa ki dant sunkr sahem gayi aur apne kam karne chali gayi. Par sochne bali bat ye hai ki Uske Ghar mai to sab jaldi uthte hai na pr fir neelima ki maa ne use uske bhai ko uthane ki mana kyu kiya?
Milte hai kal yahi janne ke liye! Tab Tak ke liye bas haste rahiye aur khush rahiye!